أنا دنيته :
انا دنيته بحالها وحياتة كلها
انا اهله وناسه وروح قلبه وحبيبته
انا اللى لو يغلط مسامحة فى حقها
وانا اللى لما يغيب عليها ترد غيبته
انا الحضن اللى من تعبة بيهرب ليه
انا القلب اللى من خوفة بيتحاما بيه
انا مش واحدة بتحبه بتموت فيه
انا بموت فى التراب اللى بيمشى عليه
انا عمرى ما اتغيرت يوم من ناحيته
وانا اللى راضية تـنـصفة لو كان ظالمها
وانا اللى لما بيشتكى من وحدتة
يبقى معاة قلبى وروحى صحابة يومها....
حـب إمتلاك
اتقالى عنة ياريت تحاولى تحاسبى منه
دا كتير بيوعد بس مبيوفيش بوعدة
اديتة فرصة يحبنى عرفت انة
كان ناوى نتصاحب شوية وننسى بعض
مكنش ناوى خير يوميها يا قلبى ليا
ومكنش ناوى خير من الاول معاك
يادوب دا كان بيرضى بس غروره بيا
وحبه ليا يا قلبى كان حب امتلاك
مش فاهمهه بس ازاى ولية عدت عليا
وانا غلطتى انى مشاعرى خليتنى اندفعت
لما اتعاملت معاة بطيبة وحسن نية
كانت النتيجة ان النهاردة لقيتنى ضعت.....
:أسمع كلامى
أسمع كلامى وصدقة انت اللى روحى بتعشقة
كان حلم نفسى احققة انى ابقى ليك
قربنى منك ضمنى قد اما احبك حبينى
من غيرك انت يهمنى دا انا روحى فيك
ملهوفة عليك ومسلسمة تقدر تقول مستسلمة
حاسة انى طايرة ف السما واخدنى الشوق
متحيرة متغيرة وكأنى لسة صغيرة
لو بحلم انا بالحلم دا مش عايزه أفوق
لحظة حنان انا عيشتها لحظة ما شوفتك وقتها
وباعلى صوت انا قولتها هفضل معاك
جمبك طريقى هكملة لو لسة عمرى فى أولة
المستحيل انا هعمله علشان هواك....
الطفلة البريئة
الطفلة البريئة المغمضة بقت من النهاردة مش كده
بقت واحدة تانية متمردة والفضل ليك
الطفلة اللى فيا اتغيرت عقلت وأديها اتشطرت
كانت بين ايديك واتحررت من بين ايديك
الطفلة اللى كانت لعبتك ومن ضعفها جت قوتك
اهى اتغيرت من ناحيتك والبركة فيك
الطفلة المطيعة اللى سلمت طلع ليها صوت واتكلمت
كانت لعبتك واتعلمت تلعب عليك
مفيش فايده فيك ولا فيه امل لا جايز ولا بقى محتمل
مهو اللى هيعمل كان عمل حاجة من زمان
فاضل بينا اية نتشدله فاضل بينا اية هنكملة
دا بينك وبينى اتقفلوا كل البيبان...
منى بعيونك
ضمنى بعيونك حسسنى بحبك لياقرب نور لياليا
في أجمل اية ف الدنيا غير أنى ف حضنك أعيش
انا عيشت سنين استناك دا الحب اللى انا بتمناة
كان قبلك ضايع عمرى ومكنتش يوم عايشاة
ولا هقدر اعيش بعديك ولا قلبى يكون غير ليك
ولا كل الكون بيساوى لهفتى وحنينى ليك
دا اللى اتمنيته والحلم اللى انا حبيته
وياك عيشته وحسيته
ومعاك حبيت الدنيا واتمنيت متسيبنيش
الأربعاء يوليو 22, 2009 3:22 pm
